Amerikanın Azərbaycandakı səfirliyində ABŞ diplomatları CAMAH rəsmiləri ilə görüş keçirmişlər. Görüşdə səfirliyin siyasi şöbəsinin rəhbəri xanım şerri Hollidey, CAMAH təşkilat katibi Barışmaz Cəlaloğlu və beynəlxalq əlaqələr üzrə sədr müavini Həmid Muğanlı iştirak edirdilər.
Xanım şerri Nollidey öncə CAMAH-ın son qurultayı barədə rəsmi Vaşinqtonun məlumatı olduğunu qeyd edərək qurultay gedişatında müzakirə olunmuş əsas məsələlər, çıxarılmış nəticələr, verilməiş qərarlar və qarşıdakı plan və proqramların da təmsil etdiyi dövlət üçün əhəmiyyətli olduğunu bildirmiş və dəqiq məlumat almışdır.
CAMAH lideri Doktor Mahmudəli Çöhrəqanlının hazırki fiziki durumu da ABŞ diplomatlarını maraqlandıran məsələlərdən biri olmuşdur. 
Daha sonra B.Cəlaloğlu İranın regiondakı aparıcı mənfi rolundan, eləcə də ıran-Azərbaycan münasibətlərindən söz açaraq, "Xatəmi demokratiyası"nın rejimin ömrünü uzatmaq niyyəti ilə quraşdırıldığını izah etmişdir. Belə ki, B.Cəlaloğlu son vaxtlar İranın beynəlxalq mühitdən təcrid edildiyini üçün, hazırki "demokratiya"nın rejimin Amerika və Avropa dövlətləri ilə yaxınlaşmaq istiqamətində quraşdırılmış uydurma oyun olduğunu söyləmişdir.
Sonda ABŞ diplomatı CAMAH Bakı komitəsinin sədri Piruz Dilənçinin Azərbaycan Respublikası Milli Məclisi seçgilərində iştirak edəcəyi təqdirdə qanuni hüquqlarını onlar tərəfindən müdafiə müdafiə olunacağını qeyd etmiş və prosesdə Piruz Dilənçiyə qarşı hər hansı bir qanunsuzluq və haqsızlığıa yol verilərsə, rəsmi münasibət bildirəcəklərini söyləmişdir.